ئۆسلۆ  ٤/١٩٩٣

لەبەر نسێی ( تەحالوف ) ا 
بۆ ختووکەی 
سۆزی ( بوون ) ی قەوارەی کورد
ھەلێ رەخسا 
شێرە بەفرینەیەکیان کرد
ناویشیان لێنا پەرلەمان !!
لە لای سیاسەتمەداری داش 
لای کۆنە جاش 
لای چەورەی وێڵ و دەم ھەراش 
بوو بە ( لات ) و ( عوززا )ی زەمان !!

دەیان پیاوکوژ 
چەقۆ وەشێن !!
ئابڕو پواو
جەردەو دزو کۆنە بەعسی 
ئابڕوو شکێن ..
وەکو کەسێ
نەیانناسێ
چین و کێن ؟ بۆ کوێ دەشێن ؟! 
بوونە ئەندانی پەرلەمان ..

کە ئابووری کوردیان فرۆشت
کاتێ ئابڕووی کوردیان فرۆشت 
کە وەک فیرعەون
لێوی رقیان لە دین کرۆشت 
( موئمین ) ێ بانگی لێ کردن :
ئەرێ ( یا قەومی ) دەرفەتێ 
کەچی لە سێدارەیان دا
بە تۆمەتە پووچەڵەکەی
مەلای خەتێ !!