مەروان حەدید ([1])

دەزانن بۆ مەروان حەدید

پەت ئاڵێنرا لە گەردنی ؟

چونكە پڕ بە دەمی دەیووت :

بۆ سەندنی

مافی خوراوی رەش و رووت

( با گوێم لە دەنگی فیشەك بێ

         با دەستتان مەشجەبی چەك بێ ) ([2])

......   ـ ـ ـ   ......

لە بیرتانە پێ ی دەووتن :

لە رێبازی خەبات كردن

قۆناغ نییە

موسوڵمان پێی بڵێ سرەوتن

مەگەر مردن ..

بیرتانە دەیووت كە دەڵێن :

رێبازی خواییمان دەوێ

هەم سەلماندنی بوونی خۆ

هەم ئیسلام دەبێ سەركەوێ :

( با گوێم لە دەنگی فیشەك بێ

   با دەستتان مەشجەبی چەك بێ )

*****

لە بیرتانە بۆچی دەیووت :

برایینە

ئارامی مەردی زیندانی

لەسەر سزاو ئازار دانی

كۆتا پلەی نەبەزینە

بەڵام خۆگرتنی سەربەست ) !

لەسەر ئەشكەنجەی زەلیلی

لەسەر نۆشی تاڵی دیلی

لە عەقیدە دابەزینە

لەسەر ستەم خۆ مت كردن

شێوازێكی خۆ كوشتنە

گەرچی سەرزارەكی ژینە ..

 دەتا مردن :

( با گوێم لە دەنگی فیشەك بێ

 با دەستتان مەشجەبی چەك بێ )

*****

براكانم

وەك بزانم

هەموو ئەوەتان لە بیرە

كاتێ دەیووت :

(( يُطرِبُنِي بانْغامِ رصاصٍ

  يُنعِشُنِي فَمَا أحْلَى عَبِيرَهْ) ([3])

ئێوەش هەموو دەبێ وا بن

چونكە فیشەك

كلیلی كۆت و زنجیرە ..

بۆن و تۆزو خۆڵ و بارووت

وەكو زیندان

ئەویش مایەی گەشەی بیرە

خۆ بەهەشتیش

گشت دڵنیاین

وا لە ژێر سێبەری ( شیر ) ە ([4])

دەتا ئەو كاتەی لە دنیاین :

( با گوێم لە دەنگی فیشەك بێ

 با دەستتان مەشجەبی چەك بێ )

*****

مێژوو: 27/4/1981