كرێچی
پازدە ساڵی رەبەقە
لەژێر سایەی 
جووت حكومەتی زەندەقە
پاسەوانم لە دەركەیە
بۆ هیچ لایەكیش نەچووم !
لە جێی خۆشم ، نابزووم 
لەبەر خەمی مردنم 
زوو زوو دكتۆر دێتە دووم ! 
نە خەمی كارەبامە 
نە نەوت و غاز 
نە خەمی كرێ خانووم ! 
لە هاوینا 
جێم گەرمە وەك تەنوورێ ..
چلە هانام بۆ دێنێ
بێتە ژوورێ ! 
لە زستانا 
شەختە لە پێخەفم هەڵدێ
بۆ چیای سەر سنورێ .. 
*********
میوانی ئاسایشم 
هەر بە پێوە 
كۆتیشم وا بە پێوە 
من پابەندم 
جەللادەكەم جێ لەقە ! 
گوێچكەم تەنەكەی جنێوە
پشتم مۆرە
جێی سەد كێبڵی وا پێوە 
هەموو گیانیشم جێ لەقە ! 
تاغوتینە 
قسەی حەقتان پێ رەقە 
بۆیە خەڵكی 
پێش تەقە 
لێتان كەوتۆتە تەقە 

 
                       
ئاهی خه‌م. هۆنراوه‌ی: مامۆستا كرێكار