هه‌مه‌جۆر   -   مه‌حوی
  بە پیر ئەو ماهەوە چووم و بە سەر چووم


بە پیر ئەو ماهەوە چووم و بە سەر چووم
پەری بوو، ئەو نەبوو، شەو بوو، بە سەر چووم

تەلێ نێرگسم و باغی حیرەتم پێ
بە فەڕ هات و وەکوو گوڵ زوو بەسەرچووم

گڵەی پێشم لە سەر سەر هەم بووە بار
کە دی من دولبەرم هات و بە سەر چووم

دەزانم بادیەی عیشقە خەتەرناک
کەچی هەر چووم، ئەگەر مام و ئەگەر چووم

لە حینی نەزعی ڕۆحا، ڕۆحی عاشق
وتی: ئۆخەی لە میحنەتخانە دەرچووم

بە ئۆغر کردنی من بوومە قەقنەس
کە ئەو چوو بۆ سەفەر، من بۆ سەقەر چووم

وتی: قەت وا مەیە، من واوە هەر دێم
نەهات ئەو وا قەت و من واوە هەر چووم

شوکر موورم بووە پاماڵی میرێ
بە بێ نامی ژیام و ناموەر چووم

غەمی قاتیلمە مەحوی! مونفەعیل ما
لە حەشرا کفنی خوێناوی بە بەر چووم

 


بە پیر ئەو ماهەوە چووم و بە سەر چووم
پەری بوو، ئەو نەبوو، شەو بوو، بە سەر چووم

تەلێ نێرگسم و باغی حیرەتم پێ
بە فەڕ هات و وەکوو گوڵ زوو بەسەرچووم

گڵەی پێشم لە سەر سەر هەم بووە بار
کە دی من دولبەرم هات و بە سەر چووم

دەزانم بادیەی عیشقە خەتەرناک
کەچی هەر چووم، ئەگەر مام و ئەگەر چووم

لە حینی نەزعی ڕۆحا، ڕۆحی عاشق
وتی: ئۆخەی لە میحنەتخانە دەرچووم

بە ئۆغر کردنی من بوومە قەقنەس
کە ئەو چوو بۆ سەفەر، من بۆ سەقەر چووم

وتی: قەت وا مەیە، من واوە هەر دێم
نەهات ئەو وا قەت و من واوە هەر چووم

شوکر موورم بووە پاماڵی میرێ
بە بێ نامی ژیام و ناموەر چووم

غەمی قاتیلمە مەحوی! مونفەعیل ما
لە حەشرا کفنی خوێناوی بە بەر چووم

 

 120

 بەرهەمەکانی تری شاعیر

Dorbeen
        

Copyright. All Rights Reserved.

Dorbeen

ئێمە

ئێمه‌ی موسوڵمان كه‌ ئێستا ره‌وتێكی نوێی ئیسلامیی كوردستانیین؛ باوه‌ڕمان وایه‌ كه‌ ئیسلام دینی ئوممه‌تێكه‌، به‌بزاڤێكی شیاو جاهیلییه‌ت ده‌گۆڕێت، تا خواپه‌رستی و دادپه‌روه‌ردی له‌دارولئیسلامێكدا بچه‌سپێت.